JJ5色廚

協恩同學們久等了！

橙色雞翼唔易整，我差點放棄了！

【我衝入協恩飯堂】橙色雞翼

炸雞翼唔難，難在點樣至會橙色！

雞翼其實點炸都唔會橙色。同街邊一串串的橙色鹵味一樣，橙色是食用色素來的！橙色顏色誘人，尤其適合同唔系幾好樣的牛雜豬雜內臟上下色，也能保存久一點。唔知點解學校canteen的雞翼也需要染下色呢？我唸阿周師傅貪靚重形象囉！雖然系canteen，但話曬都系佢系大廚，點都要有番個signature dish 至得！

如果只是一隻啡色炸雞翼，又點同出面快餐店的differentiate呢？看大家幾十年後重記得隻橙色雞翼，就證明周師傅策略成功！

試做：

1. 如何不用化學食素困擾我很久，也是遲遲拖著這篇稿的原因。想過用紅蘿蔔汁等等方法，覺得都不通。光學大師同學提議用paprika吧，好吧，即管試試。

當然學校雞翼並沒有加辣的。

2. 只用簡單的鹽跟紅椒粉醃2小時。

當年醃緊的雞翼是放在大紅A膠盤內，大家先當這個綠色膠兜系紅A先啦！

3. 醃完沾下粉至炸。我綜合了麵粉及樹薯粉來做炸粉。

4. 炸到熟。回鍋再炸第二次才夠脆。

唔知當年一個break可以賣幾多隻雞翼呢？

以一級5班，一班45人，F.1-F5 有 45x5x5=1125人，加Lower and Upper 6 一級3班，一班40人不夠=240人，成個中學才1365人。我唸一日整100隻雞翼吧，唔系點會11:15am鐘響，阿Miss xxx 口水多過茶唔準時落堂，跑到飯堂已sold out，搞到重要餓多兩堂至有飯食!

5. 我覺得個皮咬落的感覺同周師傅signature wings有點不同，下次會調整下粉的比例。其實用paprika也不會多辣，味道不錯！唯顏色未有周師傅的鮮豔，話到底我用天然的顏色，有難度！

包雞翼的油墨紙，我還有一張珍藏！但又點捨得用呢！話時話當時有冇分底面用的呢？不過底同面也一樣啦，D紙印完話唔定又放在地下.....油墨有冇毒又唔知，記憶中也冇人試過雞翼上有印上題目！ 

我也忘記雞翼幾錢隻了，覺得是HKD1.5~2.0的range, 雞脾是HKD2.8~3.0到。有冇人記得呢？

勉勉強強交住功課先！